Перамога юных батлейшчыкаў
22.05.2023Батлейшчыкі з розных куткоў нашага рэгіёна накіраваліся на Смаргоншчыну. Таксама ў фестывалі ўдзельнічаў узорны лялечны театр "Смаргонская батлейка" ДУА «Смаргонскі раённы цэнтр творчасці дзяцей і моладзі». Удзельнікі фестывалю прадэманстравалі традыцыйныя народныя і сучасныя лялечныя пастаноўкі. Гледачы ўбачылі восем цудоўных лялечных спектакляў, у якіх удзельнічалі і дарослыя, і дзеці.
Журы і гледачы годна ацанілі выступленне артыстаў Цэнтра творчасці апладысментамі і высокімі баламі. Падчас падвядзення вынікаў журы вызначыла асобна пераможцу сярод калектываў са званнямі. Дыплом I ступені атрымаў узорны лялечны тэатр «Смаргонская Батлейка». Акрамя гэтага, журы ўручыла юным батлейшчыкам спецыяльны прыз глядацкіх сімпатый «Батлейка Хіт». Віншуем узорны лялечны тэатр «Смаргонская батлейка» і жадаем поспехаў!!!
І.У. Яновіч,
кіраўнік узорнага лялечнага тэатра «Смаргонская батлейка»